70. அறிவிலே பிறந்திருந்த ஆகமங்கள் ஓதுறீர்.
திரியிலே மயங்குகின்ற நேர்மை ஒன்று அறிகிலீர்.
உரியிலே தயிர் இருக்க, ஊர் புகுந்து வெண்னை தேடும்.
அறிவிலாத மாந்தரோடு, அனுகுமாற தெங்கனே !

மனிதர்களின் அறிவினால் பிறந்த ஆகமங்களை நன்றாக ஓதுகின்றீர்கள். ஆனால் திரியாகிய நம் தலை உச்சியில் மயங்கி இருக்கின்ற , நேர்மையான இறைவனை நீங்கள் அறியாதவராக இருக்கிறீர்கள். இது எப்படி இருக்கிறதென்றால், நம் வீடுகளில் உரியில் தயிர் இருக்க, ஊருக்குள் போய் வெண்ணெய் தேடி அலைந்து கொண்டு இருப்பது போல் உள்ளது. இப்படி அறிவில்லாத மாந்தரோடு கூடி வாழ்வது எப்படி? என கேட்கிறார்.